CU Perawang Terbentuk, Ula sempat tertuktuk..!

Syaloom,

Rapat marathon dua kali enggo ibahan i tengah-tengah kesibuken guna pesikap persiapen Natal tahun enda, tapi la erbahanca semangat ngawanta kendor, bahkan semakin berapi-api, maklumlah, tahun Pelayanen (Diakonia).

Emaka ibas Minggu enda ndai, 8 Nopember 2009, i jabu Pt.Bp.Loy Pandia, KPR-1, alu moderasi Pt.Mascottaria (Bp.Dian) Purba ras pe Pt.Pardis (Bp.Loy) Pandia sendiri selaku Steering Commite si enggo ibere mandat BP.Runggun guna mabai seh ku berngi, enggo teridah hasilna eme enggo terbentuk CU i tengah-tengah GBKP Runggun Perawang enda alu gelar CU Laku Perawang (Credit Union Lancang Kuning Perawang).

Pujin man Tuhan pe, sebab ibas paksa e, enggo terdaftar lit buena 16 kalak si jadi Anggota arah 19 kalak si hadir.
Sue ras kesepakaten bagepe arah draft AD/ART si lit bagep si enggo ibahas ibas dua kali pertemuan enda, maka Anggota enda me si memutuske guna ilakoken Pemilihen Badan Pengurus si termasuk di dalamnya Team Kredit ras pe Badan Pengawas alu susunen bagi si teruh enda :

Badan Pengurus
- Ketua : Pt.Pares Simanjorang
- Waki Ketua : Siswanta Ginting
- Sekretaris : Samudra Bangun
- Wakil Sekretaris : Tugianto Sembiring
- Bendahara : Ekamenda Br Sinulingga

Team Kredit
- Ketua : Peringeten Sembiring
- Sekretaris : Pt.Mascottaria Purba
- Anggota : Pt.Pardis Pandia

Badan Pengawas
- Ketua : Dk.Kristian Sitepu
- Sekretaris : Dk.Jesaya Surbakti
- Anggota : Tertib Tarigan

Endame si enggo terpilih ras isepakati jadi singaturken perdalanen CU ibas 5 (lima) tahun ku lebe enda, tentuna alu pertoton ras dukungen penuh kerina warga jemaatta, kerina program ras pe usaha-usaha guna memajuken CU enda banci erdalan alu mehuli gelah tujun si utama ibas CU eme nampati si membutuhkenca khususna kebutuhen konsumtif (primer) banci ilakoken.

Pengarapenta gelah ertambahna ka terbentuk CU ntah pe CUM i belang-belang GBKP enda guna nampati perekonomian jemaat bagepe masyarakatta, terpuji gelar Tuhanta Yesus Kristus.

Bujur, Selamat melayani..!