Begikenlah, ula begi-begi saja..! 1 Babah, 2 Cuping.

Kita cenderung aktif mendengar tapi apakah sudah kita mendengarkan..? nina kalak karo, Begikenlah, labo begi-begi saja..!
Tendensi atau penekanan maksud kata-kata enda eme gelah kita menggunakan talentata salah sadana eme pendengaran alu payo.
Adi ngerana kita man anakta si kitik denga, tempa ia megi kai siikataken kita e, tapi ukurna labo ije, emaka rehme rawanta kempak ia, me bage..?

I tengah-tengah pelayanenta selaku ngawan Gereja pe, megati kang nge, misalna Pdt, Vikaris, Pertua, Diaken, ntah pe Pengurus PJJ ras Kategorial, nehken berita ntah kata Dibata, tapi si megi-megi labo megikenca, kai ndia sebabna..?
Melala alasan si banci sipaparkan kerna si e,mungkin saja perban la jelas informasi si isehken atau banci kang labo itinggelken kata e, lewat bage saja, megi tapi la megiken.

Enda jadi sada hal si sangat berperan ibas kita nehken berita si meriah, gelahna kita makeken dua cupingta enda gelahna mbue megiken ras ngerana alu proporsional alu babahta si sada enda.

Bujur, selamat Melayani..!