Jadi Gereja Nandangi Kalak Si deban (“ Menjadi Gereja Bagi Orang Lain”)

Pjj: Selasa, 09-05-2007 (Rmh. Kel. Loi Gersang)
Bahan: Kej 3:1-3

Kesimpulen:

Gereja berasal arah kata ekklesia si ertina eme perkumpulen ntah ipanggil ku darat (manusia lama ku manusia baru)

Jadi sekalak Gereja, ntah kalak si erkiniteken man Tuhan Yesus, rusur sibegi maka kita e harus jadi usihen ntah jadi contoh si istilahken Rasul Paulus sebagai Surat Kristus si banci ibaca, inehen, iperdiateken, si jadi public figure ras jadi tatapen si nterem. Banci jadi si mperdiatken ntah pe singidah kita e labo saja kalak si nggo nandai Dibata arah Tuhan Yesus Kristus, tapi pe man kalak si lenga nandai Tuhan Yesus sebagai juru selamat na pe banci mereken pengaruh ku bas kegeluhenta sebagai Gereja.

Sebagai Bapa Kalak Si Tek, Abram ntah pe Abraham, nggo ndatken pendilo jadi Gereja ibas kegeluhenna, si banci jadi labo jadi sura-surana asum ia danak-danak denga, bagepe ibas ndatken status sebagai Bapa Kalak si Tek enda, ia pe harus nuduhken buah kinitekenna arah ia ngikutken perintah Dibata si she man bana guna nadingken kutana (urkasdim, daerah Mesopotamia) nuju ku sada daerah si lenga ietehna. Tentu sepakat me kita, adi kita isuruh ntah pe berkat ate ku sada ingan si enggo lit alamat lengkap bagepe kune papak, litka no telp si man sungkunen, rsd, lanai bo lit kebimbangen man banta guna berkat…tapi kune la jadi bage, alamat pe la lit, pokokna berkat…ningen, tentu jadi perbeben si cukup mberat man banta.

Ibas kegeluhenta jaman genduari pe, adi sipergermetken rikut situasi bagepe kondisi negaranta, ija banci siidah ras sinanami sendir kerna kebutuhen untuk mencukupi keperlun geluh tep-tep wari khususna ibas ekonomi keluarga, banci si gejapken kerina erga kebutuhan hidup semakin tinggi, salah sada si sanga santer em kenaikan harga minak goreng perbahan harga bahan baku ras factor sidebanna, ras melala contoh si debanna pe banci ka siidah ibas biaya pendidiken si masih cukup tinggi.

Arah si e banci sitarik kesimpulen, maka kita sebagai Gereja, la banci lang, erbintuas guna si e ras sijadiken dirinta desken sekalak prajurit si siap tempur ibas medan si kagapape beratna. Adi mulih kentisik kita ku isi/them anta, maka enda me min si jadi perayakenta ibas kegeluhenta sebagai sekalak Gereja, maka kuga kita banci naksiken man sekelewetta ras merespons panggilenta sebagai Anak Dibata, ije teridah kita sebagai Anak-Anak Tuhan si tetap erdalan i teruh pasu-pasu Tuhan, ras tetap njaga kebadiaan dirinta sebagai Gereja Tuhan si nggo ipilih ras ertanggung jawab guna tetap jadi Anak Tuhan, bagi Abraham si megenggeng ibas ndalanken perintah Tuhan arah kerina si lit bas ia.

Si jadi bahasennta selanjutna eme, kuga carana kita banci jadi Gereja si ngena ate Tuhan, gelah banci jadi usihen man kalak si deban?

1.Mari sitandai ise kita.
Ibas padan sindekah, kita ikataken segambar dengan Allah (Imago dei), ije teridah uga belinna keleng ate Dibata man banta, lang adi secara manusia, biasana lit denga bas kita biak-biak egois rsd sierbahance la eteta ieteh kalak kai si eteh kita, la eteka ialoken kalak kai sialoken kita, ras la ateta ibegiken kalak kai singgo ibegi kita rst.

Sebagai manusia baru kita harus nadingken biak-biak manusia lama sebab adi nggelu denga kita ibas manusia si ndekah e, lenga banci sialoken biak manusia si mbaru.
“lit sekalak sopir taxi, karo mergana, si sangana naruhken sekalak penumpangna eme sekalak pernandeen si nggo cukup berumur, dungkenca ertutur, emaka sepakat me kalak enda, maka erbibi me sopir taxi ndai man bibi enda (kebetulen bibi enda beru tarigan ka). Bibi enda kundul i bangku belakang, persis pudi bangku sopir. Emaka nandangi seh ku ingan tujun bibi br tarigan enda ndai, nina man sopir taxi karo mergana, jendam saja aku nusur anakku, erdalan saja aku jenda nari, sebab harus mentasi gang si kitik denga lanai bo ndauh nari, nina. Ibas pengkuit ras sora bibi enda ndai, sengget kal sopir enda ndai, ras ayona pe pucat pasi, minter i remma, igejapkenna pe jantungna menem ndabuh, ras kesahna pe lanai raturen….emaka itatapna bibi nande tiga, emaka manjar-anjar tarik napas ia nina, puji Tuhan, kuakap ndai aku lanai bo erkesah, sekali enda nari me kesempatenku nggeluh, emaka tarik napas ka alu mbages. Ngidah si e, mamang bibi nande tigan nina, me labo kam kai pe nakku, ngaki maka bage kal kam senggetna, me labo lit pinakit jantungndu, ntah darah rendah nge kam? Ngaloi sopir taxi, karo mergana si la megogo, nina, bagenda bibi, sierbahance aku sengget perbahan enda denga aku maba taxi, makana sengget aku, sedekah enda sope lenga aku sopir taxi, dahinku eme sopir mobil jenazah, emaka sengget aku, kuakap ndai nggeluh mulihi jenazah si kubaba e, egia ula kitik ukurndu, nina.”

2.Mari sitandai ka ise sinepa kita.
Adi sada kerajinen tangan ntah hasta karya, sebagai contoh lukisen monalisa, maha karya Leonardo da vinci, jadi lukisen si bage terkenalna aminna pe pelukis e nggo lanai lit, tapi kerina jela mengagumi karya na e alu nilai si cukup tinggi.Apa ka kita si jadi maha karya terbesar Dibata ibas tinepaNa sideban, maka man banta manusia nge ibereken otoritas guna ngkuasai doni enda ras ertanggungjawab guna kelestarianna. Alu bage, maka sigejapken kerina si lit bas kita e ibas Dibata nari.

3.Lit tanggungjawabta selaku Gereja man si nepa kita e,

bagepe man temanta manusia.
Secara vertikal, eme hubungenta ras Dibata, bagepe hubungenta sapih-sapih manusia secara mendatar. Lit ende-endeen nina, “hidupku bukanlah aku lagi, ada Tuhan dalamku..”, arah sie si gejapken maka kita nggeluh labo guna dirinta saja, tapi pe guna temanta si deban terlebih guna kemuliaan Dibata.

4.it Janji Dibata man banta

guna ngasup kita ndahiken dahin e ras lit ka ulih si janjiken Dibata man Banta ibas kita ndahiken dahin e.
Ibas wari si 31-ken, 2007 tahun si lepas, sangana Tuhan Yesus tading denga ras ajar-ajar sope lenga nangkih ku surga, pas ka bagi berngi enda, endame sada ka kesempaten man banta guna ersikap mperingetti wari kenangkihenNa e. Adi si nehen, maka nina Tuhan Yesus, kenca Ia nangkih ku Surga guna nikapken ingan man banta, labo ertina Ia la mperdiateken kita, tapi lit ijanjikenNa Kesah Sibadia si pengasup kita ndahiken dahin-dahin Tuhan. Bage ka pe, ibas kita naksiken dirinta jadi Gereja man kalak si deban, ula kita sangsi, ula kita ragu, ras ula kita mbiar, Dibata pasti nemani ras pengasup kita ndahiken dahin-dahin Dibata e.

Endame sijadi perayakenta ibas kesempaten berngi enda, tek kita kai si isuraken Dibata berngi enda jadi pergegeh man banta adi sipindo Kuasa Kesah Si Badia si nemani kita. Amin.

Pt. Bp.Dian Purba

Prw, 08-05-2007 (Selasa)