Pekena-kenalah Orang Tua si Tading ras Kita

PA Mamre : Jumat, 25-05-2007 (Rmh. Kel. Bp.Thresis Sembiring)
Bahan : Kej 37:31-35
Thema : Pekena-kenalah Orang Tua si Tading ras Kita
Tujun : 1. Mediate nandangi orang tua si tading ras kita.
2. Meriah min ukur orang tuanta tading ibas rumahta.

Kesimpulen:

1.Ise kin orang tua e?
Ibas pedalanen manusia, la banci lang lit paksana ka jadi orang tua ibas perdalanen geluhna. Nggeluh jadi sekalak orang tua si banci si idah ibas jaman si nai ras si bandingken kubas jaman genduari, tentu lit si idah piga-piga si hal si erbahanca meriah ukurta bagep sebalikna, sedih kang siakap. Ibas si mehuli si banci si idah, maka nterem denga anak-anak si lit itengah-tengah keluarga ngasup denga ngekelengi sekalak orang tua si banci jadi ibas pandangen keluarga si deban ka nggo iakap jadi “beban”. Pengertin kerna ise kin orang tua e, banci sigejapken kuga kin kegeluhenta genduari kune kurang ntah la lit perhatin si cukup mbelin orang tuanta man banta? Tentu adi sigejapken me tuhu mbelin kal kekelengen si enggo isehken orang tuanta ndube man banta mulai kin kita danak-danak nari seh pe ku bas paksa gundari enda pe tetap nge ikelengina kita.

2.Ise kin kita ilebe-lebe Orang Tuanta?
Adi ibas sada keluarga si lit ije 3 anak-anak, maka secara ekonomi guna perbelanjaan, perpan ras peruis pe tentu jadi anggaran pengeluaren si tangkas man orang tua. Sebagai orang tua si bertanggungjawab man Dibata ibas ngekelengi jabuna, maka anak si 3 kalak enda ndai ndatken kekelengen si seri belinna si ibereken orang tua man kerina anak-anak e. Cara pandang orang tua nandangi anak-anakna tentu berbeda sada ras sidebanna. Ibas sura-sura kerna persekolahen saja pe banci berbeda, bagepe mungkin seh ku milih teman nggeluh anak me megati orang tua turun tangan dalam arti si positif eme guna masa depan anak si lebih baik. Arah kerina sura-sura ras pandangen orang tua e, secara umum, banci ikataken maka orang tua Kristen ibas nuduhken bentuk tanggungjawabna nandangi kegeluhen anak-anak arus erpalaskan alu mbiar man Dibata alu bage kerina sura-surana si atena isehkenna man anak-anakna semata-mata guna simehulina.

3.Kai tanggung jawab anak nandangi orang tua?
Ibas isi 10 pedah Dibata, si isehken nai Dibata man Nabi Musa, tuhu tangkas ikatakenna:
“Hormatilah ayahmu dan ibumu, supaya lanjut umurmu di tanah yang diberikan TUHAN, Allahmu, kepadamu. “ (Kej 20:12), arah ayat enda teridah penekanan si sangat serius man kerina manusia gelahna ngergaken orang tua labo guna isia-siaken ntah pe la iergaken. Ibas GBKP pe lit wadah guna menampung orang tuanta (jompo) si la lit keluargana ntah pe la lit si nangungjawabi kegeluhenna. Ibas ruang lingkup si kitik, mulai bas keluarganta masing-masing, mari sibahan kiniersadaan arih antara kita mamre ras moria, terus pe ku anak-anak, segeleh kita ersikap-sikap guna jadi ingan orang tuanta tading ibas masa tuana, alu palas nehken kekelengen ras rasa hormat kita terlebih sada bukti kepatuhenta ibas ndalanken kata Dibata, gelah pasu-pasu Dibata seh ku kita sekalak-sekalak.


Endame sijadi perayakenta ibas kesempaten berngi enda, tek kita kai si isuraken Dibata berngi enda jadi pergegeh man banta adi sipindo Kuasa Kesah Si Badia si nemani kita. Amin.


Pt. Bp.Dian Purba
Prw, 25-05-2007 (Jumat)