Wednesday, February 13, 2013

Jei Ramah Tamah PKPW simbaru, jei ka minter iban Sermon...

Shalom,
berngi enda ilakoken ka me sermon bagi semalna, tapi inganna la biasa i gereja tapi i rumah PKPW, eme sekalian ngalo-ngalo kerehen PKPW si mbaru i Runggunta, Pdt. WIna Citra br Sembirin ras keluarga raduken kerina Serayaan Tuhan ras jemaat i RUnggun Sei Buaten nari. Enda sitik dokumentasina, ras selamat melayani man bandu Pdt si mbaru ertugas i runggunta enda, Dibatalah si masu-masu kerina pelayanenta
 
 Sementara PKPW nta si ndekah, Pdt.Sri pinta br Ginting, pindah tugas pelayanen ku Runggun Sei Buaten, ija ingan Pdt Wina sedekah enda melayani, jadi tukar tempat saja..bage..! Ibadah ras pasu-pasu si terakhir ibas kebaktin tanggal 10 feb 2013 ndai, enggo ndungi tugas Pdt Sri pinta enda sedekah 5 tahun, enda fotona sibanci terekam kami.
Amin.

Saturday, February 2, 2013

PA Moria ras Mamre pemena Tahun 2013, si iah-iahenlah kita...!!

PA Moria, 02-02-2013
Nats : 1 Tesalonika 5:11-15
Thema : Biak nggeluh si tatang-tatangen
Tujun : Gelah Moria ngasup ngidah ras nggejabken biak nggelu si tatang-tatangen.

11 Erkiteken si e sitatang-tatangenlah janah sisampat-sampatenlah kam bagi si sangana
ibahan kam genduari e.
12 O senina-senina, ipindoken kami man bandu gelah ipehagandulah kalak si erdahin i
tengah-tengahndu, e me kalak si nggo ipilih Tuhan guna ngepkep dingen ngajari kam.
13 Pehaga kal dingen kelengilah ia, erdandanken dahin si idahikenna. Ula kam si
rubat-rubat.
14 Ipindoken kami man bandu o senina-senina: Ajarkenlah kalak si perkisat,
tetapkenlah ukur kalak si perbiar, sampatilah kalak si kote janah sabarlah kam
nandangi ise pe.
15 Metengetlah gelah ula lit si erbalas alu kesalahen nandangi kalak si erbahan
salah, tapi bahanlah si mehuli nandangi teman bage pe nandangi kerina manusia.

==========================================================================

PA Mamre, 02-02-2013, Sabtu
Nats : Galati 1:15-24
Thema : Mamre, Kam Enggo ipilih Dibata.
15 Tapi Dibata, i bas lias AteNa nggo milih aku ope denga aku tubuh pe, janah IdiloNa
aku.
16 Asum itetapken Dibata guna mpetangkas AnakNa arah aku gelah kuberitaken Berita Si
Mehuli kerna AnakNa e man bangsa si la kalak Jahudi, labo aku arih-arih ras ise pe.
17 Labo aku lawes ku Jerusalem guna njumpai si nggo jadi rasul leben asangken aku.
Tapi minter aku lawes ku daerah Arab, jenari mulihken aku ku Damaskus.
18 Kenca telu tahun maka aku ku Jerusalem gelah kutandai Petrus. Dua minggu dekahna
aku ras ia.
19 Ras rasul-rasul si deban la aku jumpa, seakatan Jakup senina Tuhan.
20 Kai si kusuratken enda tuhu. Kukataken i lebe-lebe Dibata maka labo aku erbual!
21 Kenca si e lawes aku ku daerah-daerah Siria ras Kiliki.
22 Paksa si e kalak Kristen si lit i daerah Judea la nandai aku.
23 Kai si ikataken kalak ngenca ietehna eme, "Si mbaru enda rusur niksa kami,
genduari sangana meritaken Berita Si Mehuli kerna Kristus si nai ikernepken atena!"
24 Bage me ipujina Dibata erdandanken aku.

Selamat er-PA man Mamre ras Moria GBKP..!!!

Bujur.

Pt.Mascottaria Purba