Menurut kami pe enda aspirasi enterem kita warga GBKP, maka itulisken kami enda sebagai opini man banta kerina.
“ Ende-enden merupaken salah sada si cukup penting ibas kebaktin emaka enggo perlu ipersiapken alu mehuli. Arah evaluasi ras masuken-masuken ibas perpulungen nari, janah sue ras program seksi paduan suara ras song leader maka tgl. 26-27 Nop 2007 enggo pulung kerina PKPW se Klasis Kabanjahe guna nikapken ende-enden ibas Kebaktin guna tahun 2008. emaka kerina Runggun se Klasis Kabanjahe enggo seri ende-endenna ibas setiap Kebaktin guna tahun 2008, janah kerina laguna enggo isesuaiken ras liturgi simbaru janah lit perimbangen antara KEE ras PEE. Alu bage maka enggo tersampat si pengkhotbah bagepe organist ras song leader, sekaligus kerina KEE ras PEE enggo banci iendeken.
Ertoto kita man Dibata gelah enda banci erdalin alu mehuli.
Sumber: Warta GBKP Maranatha (WGM), Edisi:201, Januari 2008, Hal:38, Pt.K.Purba.”
Selaku Serayaan ras merangkap anggota song leader, kami nggejapken maka ibas kiniraturen Lagu-Lagu Pujin ras perimbangen ibas KEE ras PEE enda tuhu-tuhu mejile kal sebabna, enggo igejapken kami, maka ketertiben ibas Kebaktin enda ipengaruhi pe arah Puji-Pujin si isehken kita, emaka asa bancina ibas kerina daerah GBKP enda iterapken.
Dibata gelah simasu-masu kita. Bujur man Dibata, bujur man banta kerina. Amin.
Tabi ras Mejuah-juah,
Pt.Mascottaria Purba
http://gbkpinfo.to.md
mascot.taria@gmail.com (YM: mascottaria)
No comments:
Post a Comment