Semangat er-PI (Pekabaran Injil) – Spiritualitas

Nats: Mat 28:16-20, Kol 1:24-29
Introitus: “Suran-surangku dingen sikuarapken kal e eme maka ola kal min sia-sia aku ibas dahinku, tapi maka tetap min ergiah ukurku alu la biar-biaren, terlebih-lebih genduari, gelah ibas kerina percibalku tama pujin man Kristus, subuk aku nggeluh ntah mate gia.” (Pil 1:20)

Ibas sada paksa, lit sekalak tentara, ibas sada berngi kira-kira jam 8 bagi berngi enda, kundul ia janah tanna sibuk mengaduk inemen si lit ilebe-lebena alu ukur si lanai turi-turin, kosong….
Lanai ndekahsa, reh temanna ndeheri ia, tanpa basa-basi, minter inemen tentara enda ndai ibuatna ras iinemna seh keri pe, enda pe jagar-jagarna nge, sebab ia duana erteman meriah kal, sahabat. Tapi kai terjadi, tentara enda ndai rempet sedih ras ngandung pe, maka mamang ate temanna ndai, maka sungkunna ia, nina, labo ateku erbahan kam tangis, tapi biasa pe kita jagar-jagar, tapi labo pernah kam sedih bagenda, kai nge ndia tangkelendu..? jabab tentara enda ndai, ngkai maka la sedih kuakap, pepagi nderbih, aku kena rawa komandan perbahan bene kubahan senjata, tambah si e, pepagi ndai, aku pe ipecat ibas kesatun nari. Nina temanna, ngkai maka kam sedih, alu dagingndu si mbestang ena, melala banci idahikendu, bahkan jadi preman pasar pe kam banci, maka ula kam sedih, nina tole temanna ngapuli pusuh temanna e sebab megogo akapna. “Payo nindu e”, nina tentara e, “tapi kepeken la terjeng e saja ngenca perbeben si kuhadapi, seh kenca aku irumah, rubat ka kami ras moria i tengah jabu, uga akap ndu e, makana lanai bo ateku ndekah nggeluh….tambah sie, ateku gelah banci ndungi geleuhku alu minem racun,…enggo ka leben iinem temanku..banci kang akapndu aku la sedih…!!
Minter sengget temanna ndai, sebab enggo iinemna racun si enggo sikapken temanna guna sura-sura bunuh diri.

Tentara e, desken kita si kurang semangat ibas ndalanni perbeben geluhta baik ibas dampar kai pe, seh maka si buat dalan pintas, baik secara materi ntah pe spiritualitasta selaku kalak kristen.
Ibas sikap tentara e kepeken labo ia ngenca ingenanami akibatna tapi kalak si deban pe, ibas cerita e, kune kenca tentara e la lit sura-surana guna bunuh diri, tentu temanna e la mate.

Winston churcill ngataken maka, For my self, I am an optimist – it does not seem to be much use being anything else : Bagi saya sendiri, saya adalah seorang yang penuh optimisme, karena tak akan lebih menguntungkan dengan menjadi yang lain.
Rasul Paulus si idah jadi dirina sendiri ibas ndalanken kesaksinna ibad pebelangken berita si meriah e (er-PI), aminna gia lit tantangen, tapi nina, Kristus kap si enggo leben mersan si mesuinta. Gundari kita selaku ngawan perpulungen, apakah alu mbuena tantangen ibas geluhta paka genudari erbahan semangatta guna jadi saksi Tuhan makin kendor ntah justru bagi Rasul Paulus, semakin melala tantangen, semakin erdeherna ia kempak Tuhan.

Kita selaku Pengikut Kristus, siaminken pengertin Spiritualitasta eme hubungenta ras Dibata.
Jadi mari sipegehi ras si pertahanken semangatta guna tetap jadi Pengikut Kristus si pang ersaksi ibas kerina dampar kegeluhenta; perkataan, perukuren, ras perbahanenta.

Dibata gelah simasu-masu kita. Bujur man Dibata, bujur man banta kerina. Amin.

Tabi ras Mejuah-juah,

Pt.Mascottaria Purba
http://gbkpinfo.to.md
mascot.taria@gmail.com (YM: mascottaria)